Bjöllutáknið efst til hægri 

Efst í hægra horninu í Giggó-appinu er bjalla og ef hún er með rauðum punkti þá þýðir það að þú eigir ný eða ólesin skilaboð. Með því að smella á bjölluna opnar þú skilaboðaskjóðuna þína á Giggó og sérð öll þín samskipti á einum stað. Þú þarft ekki að opna hvert og eitt gigg, bara opnar skilaboðaskjóðuna og sérð hvað er efst á baugi. 

Prófíllinn neðst til hægri 

Fastagestir Giggó sjá það fljótt að núna er léttara að breyta stillingum þar sem prófíltáknið er neðst í hægra horninu á skjánum. Þessi litla breyting á viðmóti appsins flýtir verulega fyrir þeim sem vilja uppfæra upplýsingar sínar eða breyta stillingum í appinu.

Það er ókeypis að auglýsa

Á Giggó eru fleiri þúsund giggarar að bíða eftir næsta verkefni. Ert þú með ókláruð verkefni á listanum sem Giggó getur hjálpað þér að klára? Skráðu þig á Giggó, lýstu því sem þú vilt láta gera fyrir þig og birtu auglýsinguna. Svo getur þú bara valið úr tilboðum í verkið í rólegheitunum. 

Vertu í bandi! 

Við viljum að Giggó auðveldi fólki að eiga góð samskipti. Ef þú hefur ábendingar sem gætu hjálpað okkur að bæta þjónustuna þá máttu gjarnan senda okkur skilaboð í spjallinu eða tölvupóst á giggo@giggo.is.